Një grua e cila ka mposhtur sëmundjen e kancerit është bërë personi i parë që ka notuar 4 herë rresht në kanalin e La Manshit.
37-vjeçarja Sarah Thomas e nisi këtë sfidë epike në orët e para të mëngjesit të së dielës dhe e përfundoi për 54 orë.
Notarja e maratonave të notit, e cila përfundoi trajtimin për kancerin e gjirit rreth një vit më parë ia dedikoi këtë maratonë ‘të gjithë të mbijetuarve nga kanceri’.
Sipas parashikimeve Thomas duket të notonte rreth 129 km, por për shkak të baticave të forta, distanca që ajo notoi shkoi deri në 209 km.
Ajo e përfundoi maratonën e saj mëngjesin e të martës në orën 6:30 me orën lokale. Pasi arriti në breg ajo u shpreh për BBC:
“Thjesht nuk e besoj që bëmë diçka të tillë. Ndihem e mpirë. Ka shumë njerëz që duan të më takojnë dhe të më përgëzojnë, por ndihem më të vërtetë e mpirë. Jam vërtetë e lodhur tani,”-tha Thomas pas maratonës.
Gjithashtu ajo theksoi se kishte në plan të flinte një ditë të tërë pas 54 orësh not./Opinion.al/
