Finalizohet operacioni i koduar “Mashtrimi”, arrestohen 2 persona që trafikuan një vajzë 29 vjeçare në Itali për prostitucion. Ndërkaq, në kërkim është tutorja e vajzës, shtetësja me iniciale D.D.
Specialistët Kundër Narkotikëve dhe Trafiqeve në bashkëpunim me Prokurorinë e Rrethit Gjyqësor Berat, pas një hetimi disa mujor me metoda speciale finalizuan operacionin e koduar “Mashtrimi”, ku bënë ekzekutimin e Vendimit Penal të Gjykatës së Shkalles së parë Berat lëshuar më datë 26.09.2018, e cila ka vendosur masën e sigurisë “Arrest me Burg” për shtetasit Emanuel Myrtaj 40 vjeç dhe Flamur Dodoveci, 62 vjeç .
Këta shtetas në bashkëpunim me njeri- tjetrin duke e mashtruar nëpërmjet fejesës kanë rekrutuar dhe trafikuar në shtetin italian me qëllim shfrytëzimin për prostitucioni një 29 vjeçare.Në shtetin italian 29 vjeçarja, shfrytëzohej për prostitucion nga shtetasja D.D, e cila ishte shpallur në kërkim nga DVP Berat, ku falë bashkëpunimit me policinë italiane u bë e mundur arrestimi i saj disa muaj më parë në Itali.Materialet i kaluan Prokurorisë së Rrethit Gjyqësor Berat për veprën penale “Trafikim i të rriturve, kryer në bashkëpunim”.
