Në datën 29 Mars emisioni “Stop” në Tv Klan transmetoi denoncimin e zotit Dritan Harapi, një banor i Fierit, i cili tha, se kishte një tokë arë 5 mijë metra katror, që ia shiti Llazar Shytit, për 13 milionë Lekë. Kontratën e bëri te noterja Anila Haxhiu më 21 Shtator 2022. Por nga 13 milionë Lekë, mori vetëm 8 milionë dhe kur të bëhej kalimi i pronësisë, do të merrte edhe 5 milionët e tjera.
Dritani tregoi, se në vend të Llazarit, i erdhi në zyrë i biri, Dilaver Shyti, kryetar i njësisë administrative Dërmenas. Por pas 8 muajsh akoma nuk kishte marrë paratë, edhe pse blerësi tha, se ia kishte kaluar noteres.
Në këto kushte “Stop” shkoi te zyra e noteres Anila Haxhiu, e cila refuzoi të japë shpjegime, por mbylli me celës në zyrë gazetaren e “Stop”. Pas transmetimit të kësaj situate, noterja aplikon tek kadastra, pala blerëse merr certifikatën kurse shitësi Dritan Harapi merr 5 milionë Lekët që i takonin. Ai thotë, se kishte kontrolluar cdo ditë në bankomat dhe nuk i besohej, kur i kaluan paratë./tvklan.al
