Kryeministrja italiane, Giorgia Meloni, ka publikuar në rrjetin social “Instagram”, një video të kryeministrit Edi Rama i cili në intervistën nga Parisi për emisionin ”Dritto e Rovescio” të televizionit italian, Rete4 u ka dhënë përgjigje lajmeve të publikuara në mediat italiane se PD në Itali do kërkojë përjashtimin e PS nga Partia Socialiste Evropiane, pas nënshkrimit të marrëveshjes për emigrantët.
Meloni shkroi se përgjigjja e kryeministrit shqiptar, Edi Rama ishte përgjigjja e duhur.
“E majta italiane po tenton të përjashtojë kryeministrin e Shqipërisë Edi Rama nga Partia Socialiste Europiane për marrëveshjen me Italinë për emigrantët. Dëgjoni përgjigjen e tij të duhur”, shkruan Meloni.
”Më duhet të them që nëse në Itali është e majta që ka… le të themi që është pak jashtë linje për pak kohë, dhe shpresoj që ky të jetë një problem i mbyllur, pasi atëherë ai përjashtim ka rezultuar në atë që ata mendojnë se kjo marrëveshje është e gabuar. Jo, jo, atëherë unë mendoj se ndoshta nuk është krahu i majtë që të ndihmojë Italinë në këtë mënyrë dhe po thotë në rregull, ‘mirëpresim edhe ne emigrantët’, as të djathtët në Shqipëri, sepse në Shqipëri është e djathta që na thotë të njëjtat gjëra”, thotë Rama thotë Rama në videon e shpërndarë nga Meloni.
“Pra, nuk ka të bëjë as me të majtën, dhe as me të djathtën, ndoshta kjo është thjesht e drejta. Do e shohim”, sqaron ai.
La sinistra italiana sta cercando di espellere il Primo Ministro d’Albania, Edi Rama, dal partito socialista europeo per l’accordo con l’Italia sui migranti.
Sentite la sua efficace risposta. pic.twitter.com/3WaCubx0XT— Giorgia Meloni (@GiorgiaMeloni) November 10, 2023
