Përdoruesit e email khilafeti@gmail.com, adresë nga u kërcënuan mediat pas sulmeve në Paris kanë komunikuar me gazetarët dhe janë shprehur se mesazhi ishte përgëzim për sulmet në Paris.
Sipas tyre, Franca ka sulmuar shtetin e besimtarëve dhe ka vrarë gra e fëmijë, si dhe mbështet fyerjet ndaj profetit.
Ata kërcënojnë sërish: “Ka ardhur koha për hakmarrje të fuqishme”.
Ja email i dytë që ata u kanë nisur gazetarëve të “Gazeta Shqiptare” në përgjigje të pyetjeve të tyre
Email i plotë
“Mesazhi ynë u është dërguar disa mediave shqiptare dhe ndërkombëtare. Mesazhi ynë ishte përgëzim për sulmet e fundit në Paris, pasi Franca po e sulmon shtetin e besimtarëve duke vrarë gra dhe fëmijë dhe mbështet fyerjet ndaj profetit tonë alejhi selam. E gjithë bota është ngritur në këmbë për disa të vrarë në Paris, ndërsa askush nuk e përmend gjenocidin francez ndaj myslimanëve në Algjeri. Mesazhi ynë ishte edhe paralajmërim për kryqtarët në lindje dhe perëndim, se kjo që ndodhi në Paris është vetëm fillimi dhe se ne nuk i kemi harruar masakrat, vuajtjet, torturat, dhunimet dhe dëbimet e myslimanëve në Bosnjë, Algjeri, Kosovë, Burma, Kaukaz, Osturkistan, Filipine e shumë vende të tjera. Ky mesazh shkon edhe deri tek ata njerëz si K. M…oviç që fyejnë Zotin tonë dhe profetin tonë alejhi selam. Të mos mendojnë kryqtarët në lindje dhe perëndim se ushtarët e Hilafetit i kanë harruar të gjitha këto, dhe se ka ardhur koha për hakmarrje të fuqishme. Francën e presin ditë shumë të vështira, ngase ky ishte vetëm një paralajmërim. Amerika, Britania, Rusia, Maqedonia, Kosova, Bosnja, Serbia, Italia, Portugalia, Spanja, Gjermania, Belgjika dhe vende të tjera do të preken po ashtu nga flakët e luftës. Unë këtu po e shfrytëzoj rastin që t’u bëj thirrje myslimanëve shqiptarë në Kosovë dhe Maqedoni, që të qëndrojnë larg institucioneve feleshuese-kriminale dhe nga vendbanimet dhe qytetet e banuara nga popullata kryqtare-ortodokse! Dhe gjithë vëllezërve në trevat tona që e përkrahin Hilafetin, u bëj thirrje të bëhen gati dhe të godasin feleshuesit dhe kryqtarët kudo ku janë. Dhe e tërë krenaria i takon Allahut, të dërguarit të Tij dhe besimtarëve!“
