Një operacion i përbashkët ligjzbatues i SHBA-së dhe Australisë shkatërroi një rrjet ndërkombëtar droge, ndërsa u kapën 2.4 ton kokainë në bordin e një anijeje në brigjet e Amerikës së Jugut që ishte nisur për në Australi.
Kokaina, e lidhur me një kartel meksikan droge, kishte një vlerë prej rreth 1 miliard dollarë Australianë (677 milion dollarë amerikanë) duke e bërë këtë operacion një nga më të mëdhenjtë në të cilin është përfshirë policia australiane.
Dymbëdhjetë të dyshuar janë arrestuar dhe akuzuar në këtë rast, tha policia e shtetit të Australisë Perëndimore në një deklaratë të shtunën, duke dhenë detaje për herë të parë të një operacioni që filloi nëntorin e kaluar kur Administrata Amerikane e Zbatimit të Drogës (DEA) përgjoi anijen.
Policia e Australisë Perëndimore e zëvendësoi ngarkesën me kokainë të rreme të paketuar në mënyrë identike dhe e hodhi atë afërsisht 40 milje detare në perëndim të kryeqytetit të shtetit Perth më 28 dhjetor.
Tre anëtarë të dyshuar të “krahut australian të një grupi kriminal droge” me 1.2 ton kokainë të rreme u arrestuan më 30 dhjetor, pasi dyshohet se kishin ndjekur udhëtimet në det të trazuar për të mbledhur pakot.
Nëntë arrestime të tjera u bënë deri më 13 janar, duke përfshirë një ndalesë trafiku në Autostradën e Madhe Lindore, afërsisht 600 kilometra (373 milje) në lindje të kryeqytetit të shtetit Perth, ku oficerët gjetën më shumë se 2 milionë dollarë amerikanë (1.4 milionë dollarë) në para të gatshme.
Lidhur me operacionin Komisioneri i policisë së Australisë Perëndimore, kolonel Blanch në një deklaratë tha: “Operacioni u dërgon një mesazh trafikantëve ndërkombëtarë të drogës – drogat tuaja vdekjeprurëse nuk janë të mirëseardhura këtu”.
Një shtetas amerikan 39-vjeçar ishte në mesin e 12 të akuzuarve, tha policia.
