Detaje tragjike kanë dalë në dritë nga vrasja e të moshuarit, Seri Petanaj ditën e djeshme në lagjen 4 Heronjtë në Vlorë.
Pista kryesore e ngjarjes mbetet grabitja, ndërsa burime nga policia thanë se kanë dyshime se dyshimet mbi vrasjen bien mbi persona të afërt, apo banorë të zonës të cilët mund të kenë njohur mirë 91-vjeçarin.
Nga ekspertiza mjekoligjore, 91-vjeçarit i janë gjetur katër plagë thike, të cilat i kanë shkaktuar vdekjen.
“Balkanweb” shkruan se për këtë ngjarje janë marrë në pyetje në komisariatin e Vlorës 9 persona më tepër në cilësinë e dëshmitarit, por ende nuk dihet nëse është rënë në gjurmët e autorit. Një prej personave të pyetur është dhe djali i viktimës, i cili ishte i pari që bëri denoncimin në polici.
Sakaq, një banor i zonës që ka dëgjuar mbi vrasjen e 91 vjecarit Seri Petanaj shprehet se të ndjerin e kanë grabitur madje i kanë marrë edhe disa orendi shtëpiake. Sipas tij, 91-vjeçarin e kanë lidhur në banjo dhe më pas e kanë vrarë duke e grabitur me thikë.
“Sot e mësova ngjarjen. Kishte ndodhur dje. Ishte burrë i mirë, njeri i nderuar, me djem të mirë. Kur e mora vesh sot u habita. Mirë që e vodhën, po pse e vranë?!Kishin marrë ca gjëra. E kishin mbyllur në banjo, e kishin goditur me thikë.”, tha një prej banorëve të zonës.”, tha ai./Opinion.al
