Në konferencën për mediat, Berisha nga selia blu u ndal edhe te rinumërimi i votave në qarkun e Fierit nga ku kandidatja Zegjine Çaushi humbi mandatin për 10 vota, duke i kaluar kështu mandatin kandidates Maldrita Bardho.
Gjithsesi kjo e fundit nuk e pranoi mandatin duke ia rikthyer sërish Zegjinesë.
Lidhur me këtë Berisha reagoi në konferencën për mediat duke thënë: “Për këtë narko-regjim, mandatet janë letra pa vlerë. I duhej Zegjineja dhe e futën në parlament, qytetarët votuan për zonjën tjetër dhe ajo nuk hyri në Kuvend. E kthyen te Zegjineja, e kthyen dhe dolën lakuriq para botës”.
