Një nga makinat lukzose të konfiskuara që do t’i shtohet Policisë së Shtetit është automjeti që i përkiste ish-missit shqiptar, Trejsi Sejdini.
Makina tip “Mercedes-Benz, V8 biturbo”, e cila në treg kap vlerën mbi 100 mijë euro, i është nënshtruar të gjitha procedurave të shitjes, por që askush nuk ka dalë i gatshëm për ta blerë.
Makina në fjalë, mësohet se do t’i shtohet Policisë Rrugore.
Ky automjet me vlerë të konsiderueshme është sekuestruar në shtator të vitit 2019, për të cilën sipas verifikimeve nuk ishte i regjistruar në emër të ish-Miss “Univers Albania 2018”, Trejsi Sejdini.
Kjo e fundit thotë se këtë automjet e kishte marrë dhuratë për ditëlindje.
Dyshohet se makina ishte në zotërim të Leonard Dukës, një personazh i njohur i botës së krimit.
