Dy persona kanë grabitur një automjet në Tiranë. Sipas informacioneve, ngjarja ka ndodhur të enjten rreth orës 20:00 në fshatin Bërzhitë.
Shtetasi G.Ç. ka denoncuar marrjen e makinës në momentin që ai e kishte lënë ndezur atë në anë të rrugës.
Në deklaratën e tij denoncuesi tha se dy persona të paidentifikuar i kanë vjedhur mjetin të cilin e ka pasur të ndezur.
“Më datë 27.01.2022, shtetasi G. Ç., ka kallëzuar se rreth orës 20:00, në fshatin Bërzhitë, dy persona të paidentifikuar i kanë vjedhur mjetin të cilin e ka pasur të ndezur. Punohet për identifikimin dhe kapjen e autorëve të ngjarjes”, thuhet në njoftimin e policisë.
