Policia ka arrestuar një 24-vjeçar në Krujë, i identifikuar si Fabjo Shullazi, pasi lokalin që kishte marrë me qira e kishte përshtatur për përdorim dhe tregtim të kokainës dhe të kanabisit.
Po ashtu, në pranga ka rënë një 35-vjeçar, kamarier i lokalit të përshtatur për këtë veprimtari kriminale.
Ndërsa në hetim një 23-vjeçar, klient i lokalit, pasi u kap duke konsumuar lëndë narkotike. Autoritetet kanë sekuestruar 4 qese farmaceutike me lëndë narkotike kanabis, një peshore elektronike dhe një pjatë porcelani, me mbetje të lëndës narkotike kokainë.
“F. Sh., 24 vjeç, pasi kishte marrë një lokal me qira dhe e kishte përshtatur atë, për përdorim të lëndëve narkotike kokainë dhe kanabis; -A. B., 35 vjeç, kamarier i këtij lokali Në vijim të veprimeve procedurale për këtë rast, u referuan materialet në Prokurori dhe nisi procedimi në gjendje të lirë për shtetasin D. S., 23 vjeç, i cili u kap në flagrancë duke konsumuar lëndë narkotike. Gjatë kontrollit që shërbimet e Policisë ushtruan në lokalin e marrë me qira nga 24-vjeçari dhe ku ishte kamarier shtetasi A. B., u gjetën dhe u sekuestruan në cilësinë e provës materiale, 4 qese farmaceutike me lëndë narkotike kanabis, një peshore elektronike dhe një pjatë porcelani, me mbetje të lëndës narkotike kokainë. Materialet procedurale i kaluan Prokurorisë pranë Gjykatës së Rrethit Gjyqësor Krujë, për veprime të mëtejshme, për veprat penale “Prodhimi dhe shitja e narkotikëve”, “Përshtatja e lokalit për përdorim droge” dhe “Moskallëzimi i krimit”, në ngarkim të shtetasve F. Sh. dhe A. B., ndërsa në ngarkim të shtetasit D. S., për veprën penale “Prodhimi dhe shitja e narkotikëve”,-njofton policia./Opinion.al
