Është miratuar në Kuvend me 120 vota pro ngritjes së Komisionit Hetimor për zgjedhjet e 25 prillit. Ky komision do të drejtohet nga opozita, pasi u kërkua nga këta të fundit.
Ndërsa ai për Bechetti-n i kërkuar gjithashtu nga opozita u rrëzua, pasi u votua me 77 vota kundër dhe 43 pro, duke mos marrë kështu votat e nevojshme për miratim. Kryeministri Edi Rama dhe socialistët refuzuan sot të pranon ngritjen e këtij komisioni, pasi sipas tyre bie ndesh me konfidencialitetin.
Ndërkohë, kërkesa tjetër e opozitës për krijimin e një komisioni për inceneratorët do të kalohet për votim javën e ardhshme.
Gjithashtu, mazhoranca ka rrëzuar ditën e sotme me vota dy dekretet e Presidentit Meta për rishikimin e Buxhetit 2021 dhe ligjin për të “Huajt”.
