Sot për Krishtlindje, princ William me Kate dhe princ Harry me Meghan kanë bërë daljet e tyre të parë publike të katërt së bashku.
Ka rezultuar mision i pamundur që të mos krahasonim çiftet me njëri- tjetrin, por edhe dy kunatat. Kush ishte veshur më bukur, ndryshimin që ka pësuar Meghan në stilin e të veshurit pas fejesës më Harry-in si dhe vumë re që Kate dhe William duket se u “infektuan” nga Meghan dhe Harry-, pasi edhe ata u shfaqën dorë për dore në publik, si rrallë herë.
Asnjëri nga të katërt nuk u shpëtoi syve të detajistëve, dhe ajo që ra më së shumti në sy ishin çantat që mbanin dy nuset e familjes mbretërore. Si gjithmonë, dukesha kishte zgjedhur një kuletë të vogël, të zezë që nuk binte në sy e ndërsa Meghan mbante në dorë një çantë kafe të ‘Chloefashion’ që kombinohej mjat mirë me veshjen e saj.
Kate shpesh është cilësuar nga britanikët si një princeshë Diana e dytë dhe ky detaj e përforcon edhe më shumë këtë mendim, por duket se Meghan frymëzohet nga dikush tjetër në atë familje: nga mbretëresha Elisabeth. Karakteristikë e veshjes së mbretëreshës, përveç faktit që vishet me ngjyra të ndezura është edhe çanta, përmes së cilës përçon edhe disa mesazhe të koduara.
