Policia e Tiranës ka ndaluar një person të dyshuar si të përfshirë në vrasjen e Arben Bilalit më 30 Janar 2019.
Nga hetimet dyshohet se ai mendohet të ketë ndihmuar atentatorët e ish-policit Bilali. Zyrtarisht policia nuk ka dhënë informacion për këtë arrestim, ndërsa mësohet se i ndaluari është person me precedent të mëparshëm penal.
Nga të dhënat paraprake, i ndaluari dyshohet se u siguruar automjetin atentatorëve.
Nga gjurmët e ADN-së dhe të gishtave të gjetura në makinën që u përdor në vrasjen e 50-vjecarit, janë përfituar dy profile gjenenetike. Profilet janë krahasuar dhe janë të identifikuar si persona me precedentë penalë, të dyshuar si vrasës me pagesë. Gjatë kësaj kohe, hetuesit kanë kqyrur disa kamera sigurie në zonën ku ka lëvizur më tepër viktima disa ditë para vrasjes.
Ish-policia Arben Bilali u ekzekutua me breshëri kallashnikovi përpara banesës së tij në zonën e Selitës më 30 Janar.
Pas ngjarjes, autorët braktisën mjetin e tyre në Sauk, brenda së cilës u gjet edhe arma që u përdor.
Njoftimi i policisë:
Në vijim të veprimeve për zbardhjen, dokumentimin dhe arrestimin e autorëve të vrasjes së shtetasit A.B, në bazë të urdhërit të ndalimit të lëshuar nga Prokurori, u bë kapja dhe ndalimi i shtetasit në kërkim A. T (Xh), 47 vjeç, banues në Shkozë, Tiranë, i dyshuar për kryerjen e veprës penale “Veprime që pengojnë zbulimin e së vërtetës”. Vijon puna hetimore për zbardhjen e plotë të ngjarjes./Opinion.al
