Një plagosje me thikë ka ndodhur mbrëmjen e djeshme në Fushë-Mamurras të Kurbinit.
Policia njofton se janë referuar materialet në Prokurori për “plagosje e rëndë me dashje” pasi kanë marrë njoftim se mbrëmë në Fushë-Mamurras ishte dëmtuar me thikë afër banesës së tij, 35-vjeçari me iniciale T.T., i cili aktualisht ndodhet në spital jashtë rrezikut për jetën.
Sipas tvklan, i plagosuri gjatë kryerjes së veprimeve procedurale nga Policia, ka deklaruar se për shkak të errësirës, nuk ka mundur ta identifikojë autorin që e ka goditur me mjet prerës.
Grupi hetimor, në drejtimin e Prokurorisë, po punon për zbardhjen e plotë të rrethanave të këtij rasti, identifikimin dhe kapjen e autorit.
