Policia e Bulqizës ka parandaluar përshkallëzimin e një konflikti mes dy personave. Sipas uniformave blu, ngjarja ka ndodhur në lagjen “Minatori”, ku 2 persona janë konfliktuar për motive të dobëta.
Mësohet se shtetasi A.T., ka goditur me mjet të fortë prerës në trup shtetasin L.N., dhe më pas me automjet e ka shtyrë të dëmtuarin që ndodhej në automjetin e tij dhe e ka përmbysur në rrugë, duke i rrezikuar jetën.
Policia informon se në pranga ka rënë 30-vjeçari me iniciale A.T., i cili rezulton i dënuar më parë për armëmbajtje pa leje.
“Nga veprimet hetimore të kryera ka rezultuar se për shkak të një konflikti për motive të dobëta shtetasi A.T., ka goditur me mjet të fortë prerës në trup shtetasin L. N., dhe më pas me automjet, e ka shtyrë të dëmtuarin që ndodhej në automjetin e tij dhe e ka përmbysur në rrugë duke i rrezikuar jetën.
Si rezultat i ndërhyrjes në kohë të shërbimeve të policisë është bërë e mundur përshkallëzimi i mëtejshëm i konfliktit, kapja dhe arrestimi në flagrancë i shtetasit A. T., 30 vjeç, banues në Bulqizë, i dënuar më parë në fushën e armëmbajtjes pa leje dhe kanosjes”-njofton policia.
