I vogli i familjes mbretërore, Princi Louis, djali i princ William dhe Kate Middleton vetëm 11 javësh, është pagëzuar gjatë një ceremonie private nga kryepeshkopi i Canterburyt, Justin Welby, në “Chapel Royal” të pallatit “St. James”.
Mes të ftuarve, sigurisht nuk mund të mungonin të sapomartuarit, Duka dhe Dukesha e Sussex. Princi Louis ishte në gjumë teksa mbërriti në ceremoni, në krahët e nënës së tij, ndërsa motra dhe vëllai i tij, Princi George dhe Princesha Charlotte ecnin dorë për dore me babanë e tyre, Princit William.
Kjo është hera e parë, që Duka dhe Dukesha e Cambridge janë parë së bashku me të 3 fëmijët e tyre, si një familje prej 5 anëtarësh.
Në ceremoninë e fundit, në pagëzimin e Princit Louis, Kate kishte zgjedhur të vishte një fustan të bardhë nga Alexander McQueen, i cili ishte stiluar me një kapelë të ngjashme nga Jane Taylor.
Dukesha e filloi traditën për këtë lloj ceremonie pa e vënë re askush. Në ceremoninë e pagëzimit të çdo fëmije, Kate është shfaqur me ngjyrë të bardhë./opinion.al
