Turqia ka arrestuar dy shtetas arabë, nën akuzën për spiunazh për llogari të Emiratet e Bashkuara Arabe dhe po hetohet nëse mbërritja e tyre në Turqi pak pas vrasjes së gazetarit saudit Jamal Khashoggi, lidhet me ngjarjen e rëndë.
“Ne po hetojmë nëse ardhja e tyre në Turqi lidhej me vrasjen e Jamal Khashoggit. Është e mundur që ka pasur një përpjekje për të mbledhur informacion në lidhje me arabët, duke përfshirë edhe disidentët politikë, që jetojnë në Turqi”, tha zyrtari turk i cili shtoi se këta persona ishin monitoruar gjashtë muaj me rradhë para arrestimeve.
Gjykata vendosi të premten në mbrëmje t’i mbajë të dyshuarit në burg për akuzat e spiunazhit ndërkombëtar, politik dhe ushtarak.
Kujtojmë se Khashoggi, një kolumnist i Washington Post dhe kritik i princit të kurorës saudite, Mohammed bin Salman, u vra në konsullatën arabe më 2 tetor nga një ekip i operativëve sauditë, duke provokuar një protestë dhe revoltë ndërkombëtare.
Turqia, CIA dhe disa vende perëndimore besojnë se Princi i Kurorës, sundimtari de facto i Arabisë Saudite, urdhëroi vrasjen, të cilën zyrtarët sauditë e mohojnë, ndërsa vetë prokurori publik saudit ka akuzuar 11 të dyshuar të paidentifikuar, duke përfshirë pesë të cilët mund të përballen me dënimin me vdekje me akuza për urdhërimin dhe kryerjen e krimit./Opinion.al
