Dy persona janë arrestuar si të dyshuar në lidhje me vrasjen e gazetares, Lyra McKee.
Nën akuzat e aktit terrorist, dy personat e moshës 18 dhe 19 vjeçare, u arrestuan vetëm disa ditë pas vrasjes së gazetares 29 vjeçare në Londonderry të Irlandës veriore gjatë përplasjeve mes demonstruesve të grupit disident republikan dhe policisë.
Policia është duke e trajtuar rastin si “incident terrorist” dhe dyshon se një grup i disidentëve republikan i quajtur “IRA e Re” të jetë përgjegjës për vrasjen.
McKee ishte një gazetare investigative që në fokus të punës së saj ka pasur “The Troubles”, luftën civile që torturoi për 30 vjet Irlandën e Veriut gjatë viteve ’60-’90 të shekullit të kaluar. Ajo shkruante për “The Atlantic” dhe “BuzzFeed”, si edhe bashkëpunonte me agjencinë kaliforniane “Mediagaze”, teksa njihej si një yll në rritje i gazetarisë investigative./Opinion.al
