Një dyqan në zonën e ish bllokut është përfshirë nga flakët mbrëmjen e sotme.
Nga të dhënat e para, nuk raportohet për të lënduar.
Zjarrfikësit janë në vendngjarje dhe po punojnë për shuarjen e flakëve. Ndërkohë, nuk dihen ende shkaqet e flakëve që kanë përfshirë lokalin.
Deklarata paraprake e policisë:
Më datë 25.08.2017, rreth orës 20:50, në numrin e emergjencave 112, ka ardhur një njoftim se në rrugën “Brigada VIII”, ka rënë zjarr.
Menjëherë janë nisur Shërbimet e Policisë dhe Zjarrfikset, ku kanë konstatuar një dyqan parfumerie i cili kishte marrë flakë.
Menjëherë forcat zjarrfikse kanë bërë të mundur vënjen nën kontroll e më pa fikjen e zjarrit.
Grupi hetimor dhe ekspertët e zjarrit po punojnë për identifikimin e shkakut të rënjes së zjarrit.
