Janë numëruar pothuajse gjysmat e kutive në zgjedhjet presidenciale që po mbahen në Turqi dhe duket se rezultati po shkon në favor të Presidentit aktual Recep Taip Erdogan i cili kryeson me 56 përqind të numrit totali të votave. Sikundër pritej kandidati që rënditet i dyti është Muharrem Ince i Partisë Republikane të Popullit (CHP) me 28.6%.
Në vend të tretë me 7.4 për qind të votave renditet Meral Aksener e Bon Parti (Iyi Parti) që më tej ndiqet nga Selahattin Demirtas i Partisë Demokratike të Popullit (HDP)me 6.4% të totalit të votave; Temel Karamollaoglu i Partisë së Lumturisë (SP), me 0.9% të votave dhe i fundit Dogu Perinçek me 0.2% të votave.
Edhe pse Erdogan kryeson bindshëm duhet thënë që për tu shpallur fitues që në raundin e parë, një kandidat duhet të marrë më shumë se 50 për qind të votave, dhe nëse jo atëherë një tur i dytë do të zhvillohet më 8 korrik.
Ndërsa, përsa i përket zgjedhjeve parlamentare, janë numëruar rreth 40 përqind e kutive deri më tani dhe kryeson forca politike e Erdogan: Partinë për Drejtësi dhe Zhvillim (AKP), me rreth 47 përqind të votave. E dyta ndjek Partia Republikane e Popullit (CHP) me rreth 19.5 përqind të votave.
