Tre persona janë arrestuar në Tiranë. Ata shpërndanin certifikata pronësie në zonën e Cekrezës në këmbim të votës. Tre eksponentët e LSI-së akuzohen për veprën penale “Korrupsionit aktiv në zgjedhje” e kryer në bashkëpunim.
Të arrestuarit:
T. H., 31 vjeç, banues në Tiranë.
E. Z., 28 vjeç, banues në Tiranë
A. K., 22 vjeç, banuës në Tiranë
“Shtetasit e sipërpërmendur në fshatin Çekrezë janë kapur në flagrancë në automjetin tip Opel, brenda të cilit u gjetën lista e zgjedhësve për qendrat e votimit të këtij fshati si dhe gjithashtu u gjetën dhe u sekuestruan në cilësinë e provës materiale dokumente të ndryshme pronësie të banorëve të ndryshëm të këtyre qendrave të votimit”, njofton Policia.
Nga hetimet e kryera dyshohet se këta shtetas u kishin premtuar zgjidhjen e problemeve për këto pronësi banorëve të fashatit Çekrezë, në këmbim të votës për subjektin politik Lëvizja Socialiste për Integrim. /Opinion.al
