Pedagogët e Fakultetit të Histori-Filologjisë do të vazhdojnë grevën e nisur në fillim të këtij muaji.
Lajmin e bën të ditur në një dalje për mediat, dekani i këtij Fakulteti, Sabri Laçi.
Vendimi është marrë pas mbledhjes së Asamblesë së këtij fakulteti.
Dekani Laçi, tha se javën e ardhshme do të ketë një grevë një javore, ndërsa në vazhdim greva do të jetë vetëm një ditë në javë.
Kjo grevë, sipas dekanit Laçi, është një mundësi që i jepet qeverisë për të reflektuar mbi kërkesat e tyre dhe të studentëve.
Dekani tha se është e vërtetë që ka një grup studentësh që duan mësim, por maxhoranca e studentëve janë pro bojkotit,
Ndërsa një pjesë e mirë e studentëve, për shkaqe ekonomike, nuk kanë mundësi të jenë pjesë e protestës. D.L
