E fundit/ Veliaj pranon kushtet e LSI-së. A do të miratohet rritja e çmimit të ujit?

Kryetari i Bashkisë Erion Veliaj ka pranuar kushtet e vendosura nga Lëvizja Socialiste për Integrim me qëllim që këta të fundit ti japin votat në Këshillin Bashkiak për të ngritur çmimin e ujit. Sipas Veliaj, “Kemi votat për ta bërë Tiranën me 24 orë ujë. Në planbiznes do të përcjellim edhe propozimet e LSI-së. PS-LSI, Tirana me ujë më e rëndësishme se partitë.”, tha Veliaj.  Lëvizja Socialiste për Integrim i parashtroi katër kërkesa kryetarit të Bashkisë Erion Veliaj në mënyrë që anëtarët e saj në Këshillin Bashkiak ti jepnin votën për rritjen e çmimit të ujit në kryeqytet. Midis të cilave; marrja e masave urgjente për ndërprerjen e lidhjeve të paligjshme dhe furnizimin preferencial që i bëhet disa bizneseve; përjashtimin nga vendimi për rritjen e çmimit të ujit të pijshëm të të gjitha familjeve që jetojnë me ndihme ekonomike si dhe të gjitha familjet e pensionisteve; vendosjen e çmimeve të diferencuara për bizneset, në varësi të aktivitetit që ato kryejnë, më qëllim që konsumatorët e mëdhenj të ujit të pijshëm si fabrikat e birrës, të pijeve alkoolike dhe freskuese, fabrikat e mishit, të qumështit, të mermerit apo hotelet a komplekset e ngjashme me to, të  mos kenë të njëjtat tarifa me baret, kafenete apo zyrat e shërbimit me më pak se 5 punonjës! Si edhe përsa i përket vendimit për dhënien me koncension të ndërtimit të shkollave, ripërsërisim qëndrimin tonë se jemi kunder çdo lloj koncensioni. Jo vetëm në nivel lokal dhe në atë qendror.