Një punonjës policie ka humbur jetën në spital pas një aksidenti në krye të detyrës.
Muharrem Bakëri, efektiv i Policisë së Qarkut Berat, kishte 10 ditë në agoni, pasi gjatë kryerjes së detyrës u aksidentua me mjetin e tij të punës me një mjet tjetër në aksin Ura Vajguore-Kuçovë.
Efektivi Bakërri u dërgua menjëherë në Spitalin e Traumës, por plagët e rënda nuk i mundësuan rikuperimin, duke ndërruar jetën mëngjesin e sotëm.
Ai mbante funksionin: “Trup shërbimi ne sektorin e qarkullimit rrugor” te Policisë Rrugore ne Drejtorinë e Policisë se Qarkut Berat.
