Një tjetër ngjarje tragjike ka shënuar dita e sotme në bregdetin shqiptar, ku pasi një 30 vjeçar humbi jetën në mesditë në plazhin e Vilunit në Velipojë, një tjetër I ri ka humbur jetën pasdite tashmë në plazhin e Gjirit të Lalzit në Durrës.
Fillimisht 18 vjeçari u dërgua në spitalin e Durrësit në gjendje të rëndë për jetën, por pa mundur tia dalë.
I riu ishte zhytur në thellësi të detit, nga ku ka dalë me vështirësi.
Megjithë ndihmën e pushuesve të pranishëm në plazh, I riu ka dalë me vështirësi në frymëmarrje në bregdet.
Njoftimi i policisë
Më datë 22.07.2018, tek Gjiri i Lalëzit është mbytur në det shtetasi F. A. 18 vjeç, banues në Tiranë, i cili ka ndërruar jetë në spital.
Grupi hetimor po punon për sqarimin e rrethanave të ngjarjes.
