Një tërmet e fuqishëm me magnitudë 6.3 ballë të shkallës Rihter ka goditur sot brigjet turke dhe greke në Detin Egje, duke nxjerrë popullin në rrugë.
Mediat raportojnë se deri më tani nuk ka informacione për viktima, por dëmet materiale janë të mëdha.
Gazeta turke “Hurriyet” tha se tërmeti ndodhi në orën lokale 3:28 duke lëkundur fort ndërtesat edhe në qytetin disa milionësh të Izmirit.
Qendra Sizmologjike Europiano-Mesdhetare tha se një tërmet me magnitudë 6.3 ballë të shkallës Rihter goditi 84 kilometër në veriperëndim të provincës së Izmirit.
Ndërsa Qendra Sizmologjike Amerikane tha se epiqendra e tërmetit ishte në Detin Egje, 11 kilometër në jug të Plomarit, një fshat në brigjet jugore të Lesbosit, në Greqi.
Distrikti u godit më pas nga dy goditje të tjera, me magnitudë 4.5 ballë.
Kryetari i Plomarit, Manolis Armenakas tha për televizionin grek “ERT” se “kemi dëme të mëdha në ndërtesa të reja dhe të vjetra. Po vlerësojmë dëmet e shkaktuara.
“Ndërkohë, miliona njerëz në Turqi dhe në ishujt grekë kanë ndalë në rrugë prej orësh pas tronditjeve të njëpasnjëshme.
Guvernatori i distriktit të Karaburunit, Muhammet Ozyuksel tha për “Hurriyet” se “për momentin mund të themi se nuk ka të vdekur, por ka dëme të mëdha në ndërtesa.”
Autoritetet turke kanë dërguar ndërkohë 240 tenda për familjet e pastreha në Karaburun të Izmirit.
Turqia dhe Greqia ndodhet në një zonë të prekur gjerësisht nga tërmetet në vitet e fundit.
Vetëm këtë vit, brigjet e Egjeut në Turqi janë goditur nga shumë tërmete me magnitudë deri në 5.5 ballë të shkallës Rihter.
Më 17 Gusht të vitit 1999, një tërmet i fortë me magnitutë më të madhe se 7 ballë goditi provincën e Izmitit në Turqi, duke vrarë më shumë se 17 000 njerëz. /tvklan.al
