Tre persona, dy prej të cilëve në gjendje të rëndë kanë mbetur të plagosur gjatë një përplasje me armë që ka ndodhur mëngjesin e sotëm në mes të qytetit të Sarandës.
Ngjarja ka ndodhur në vendin e quajtur zona e ish-Turizmit, në fund të bulevardit të qytetit.
Dy prej të plagosurve ndodhen në gjendje të rëndë shëndetësore, ndërsa po transportohen me urgjencë në Tiranë. I plagosuri i tretë është dërguar në spitalin e Sarandës.
Të paktën 10 plumba janë shkrepur nga arma e zjarrit tip pistoletë. Forcat e policisë kanë shkuar në vendin e ngjarjes ku kanë nisur hetimet për të zbardhur rrethanat.
