Në qarkun e Elbasanit, po vijon procesi i numërimit të votave. Sipas të dhënave deri në orën 17:23, në këtë qark janë numëruar 331 kuti nga 591 kuti votimi.
Nga shifrat e deritanishme, Partia Socialiste është kryesuese me 45.35% të votave.
PD vjen e dyta me 18.84% të votave. PDIU renditet e treta me 15.98% të votave, para Lëvizjes Socialiste për Integrim. Në vend të katërt është LSI me 15.62% të votave.
Në Elbasan, ndahen 14 mandate deputetësh dhe në bazë këtyre rezultateve, projeksioni për ndarjen e mandateve është ky: PS 7 mandate; PD 3 mandate; PDIU 2 mandate; LSI 2 mandate.
Me këto rezultate paraprake, në këtë qark, PDIU ka rritje me një mandat në krahasim me zgjedhjet e 2013-ës.
