Një shpëerthim i fortë tritoli ka goditur gjatë natës një banesë në lagjen Bathore, ku sipas informacioneve të para objektiv i sulmit ka qenë banesa e një burgosuri
Sipas Policisë shënjestër e këtij atentati ka qenë shtëpia e shtetasit Gazmir Daci i cili dy vite më parë vrau shtetasin në qendër të Kamzës shtetasin Valmir Kolaveri si edhe plagosi vëllain e tij Robert Kolaveri.
Shpërthimi ka ndodhur në katin e parë të banesës dhe nuk ka pasur dëme në njerëz.
Gazmir Daci është një emër i njohur për policinë, pasi familja e tij u sulmua disa kohë më parë sërish në një tjetër atentat me tritol.
Informacion paraprak nga Policia:
Më datë 27.07.2018, rreth orës 01:36 në rrugën “Martin Cami”, në banesën e shtetasit Xh. D., ka ndodhur një shpërthim nga lëndë e dyshuar eksplozivë, ku ka patur vetëm dëme materiale.
Po punohet për identifikimin dhe kapjen e autorit/ve dhe sqarimin e mëtejshëm të rrethanave të ngjarjes.
