Policia gjermane ka njoftuar se po heton për lidhjen e mundshme të sulmit në autobusin e skuadrës së Borussia Dortmundit me aktet terroriste.
Një letër e gjetur pranë vendngjarjes citon sulmin në tregun e Krishtlindjeve në Berlin dhe operacionet ushtarake në Siri. Nuk është ende e qartë nëse letra është e vërtetë.
Gazeta gjermane Sueddeutsche Zeitung tha se letra e gjetur fillonte me shprehjen “në emër të Allahut” si dhe në të përmendeshin avionët e përdorur nga gjermania në forcat që luftojnë Shtetin Islamik.
Ndërsa agjencia e lajmeve gjermane DPA raportoi gjithashtu për një letër të dytë që po qarkullon në internet duke pretenduar se një grup anti-fashist ka kryer sulmin, si përgjigje e tolerancës së treguar nga ana e klubit për racistët dhe tifozët e krahut të djathtë./opinion.al
