SARANDE- Një incident që për pak mund të kthehej në tragjedi është shënuar paraditen e sotme në Sarandë. Një person i armatosur i identifikuar si Luan Kokëdhima ka qëlluar me armë drejt një furgoni që transportonte nxënës shkolle. Furgoni sapo kishte lënë nxënësit në shkollë, ndaj fatmirësisht asnjëri prej tyre nuk është lënduar dhe as ka qenë pjesë e skenës së krimit.
Siç bën të ditur policia, drejtuesi i mjetit 59-vjeçari Fatos Lala i kishte lënë nxënësit në shkollën e Borshit dhe ne kthim prane Qeparose i ka dale ne pritë 72-vjeçari Luan Kodhima i cili ka qëlluar me automatik në drejtim të furgonit. Fatmirësisht shoferi 59-vjeçar nuk ka marrë asnjë dëmtim.
72-vjeçari Luan Kodhima me banim në fshatin Borsh është shoqëruar në komisariatin e Sarandës, ndërsa policia ka nisur hetimet për të zbuluar rrethanat e kësaj ngjarjeje që fatmirësisht nuk pati të lënduar.
