Një aksion i fundit i Policisë së Elbasanit në bashkëpunim me Forcat e Ndërhyrjes së Shpejtë po zhvillohet në qytetin e Elbasanit.
Sipas informacioneve të fundit, thuhet se janë ndaluar disa persona.
Midis të cilëve edhe anëtarë të fisit Çapja, një fis ky i njohur për përfshirjen në ngjarjet kriminale që kanë përfshirë qytetin në vitet e fundit.
Gjatë kontrollit në banesat e fisit Çapja u gjetën armë dhe një minë me telekomandë.
Aksioni po drejtohet aktualisht nga drejtori i policisë së Elbasanit, Altin Qato.
Elbasani ka qenë në qendër të aktivitetit kriminal, ku shënohen edhe disa nga ngjarjet më të rënda që kanë përshirë qytetin, ku në qendër kanë qenë larja e hesapeve midis bandave.
