Prokuroria e Vlorës ka kërkuar të dënohet me 9 vite burgim ish-kryetari i bashkisë së Vlorës, socialisti Shpëtim Gjika. Hetimet ndaj tij kanë nisur në 2015 dhe akuzohet për “shpërdorim detyre”, ndërtim të paligjshëm, falsifikim dokumentash.
Gjika nuk u kandidua më nga Rama në 2015 për kryetar Bashkie dhe u la në hije deri para disa muajsh kur iu besua nga PS-ja drejtimi i fushatës për zonën e Selenicës.
Lidhur me hetimet ndaj tij dhe dy personave të tjerë prokuroria tha se “dosja është në përfundim të procesit dhe pritet të dërgohet shpejt në gjykatë”.
Gjika, biznesmeni Artur Haxhi dhe punonesja e bashkise Dorina Behari akuzohen per ndertim te paligjshme permes falsifikimit te dokumente te keshillit bashkiak. Perpos denimit per keta persona, prokuroria ka kerkuar edhe sekuestrimin e dy pallateve ne Vlore.
Pretenca e prokurorise per Gjiken, Beharin dhe Haxhin
Në përfundim të shqyrtimit gjyqësor të procedimit penal nr. 1264 të vitit 2014, Prokuroria pranë Gjykatës së Shkallës së parë Vlorë kërkoi:
– Dënimin e të pandehurit Shpëtim Gjika me 9 (nëntë) vite burgim, për kryerjen e veprave penale të parashikuara nga nenet 186/3 e 25, 248, 199/a/2 e 25 dhe 301 të Kodit Penal.
– Dënimin e të pandehurës Doriana Behari (Sulaj) me 6 (gjashtë) vite burgim, për kryerjen e veprave penale të parashikuara nga nenet 186/3 e 25, 248 dhe 199/a/2 e 25 të Kodit Penal.
– Dënimin e të pandehurit Artur Haxhi me 6 (gjashtë) vite burgim, për kryerjen e veprave penale të parashikuara nga nenet 186/2 dhe 199/a/2 e 25 të Kodit Penal.
– Konfiskimin dhe kalimin në favor të shtetit të produkteve të veprës penale e konkretisht:
a) Objekti godinë banimi dhe shërbime 3-8-10-11 kate dhe 1-kat nën tokë në lagjen “Hajro Çakërri” Vlorë (Objekti A), të ndërtuar nga subjekti ndërtues “Turi&M.Z.B” sh.p.k, ndaj të cilit është vendosur masa e sigurimit “sekuestro preventive” me vendimin gjyqësor nr.66 datë 09/02/2015 të Gjykatës së Rrethit Gjyqësor Vlorë.
b) Objekti godinë banimi dhe shërbime 3-8-10-11 kate dhe 1-kat nën tokë në lagjen “Hajro Çakërri” Vlorë (Objekti B), të ndërtuar nga subjekti ndërtues “Turi&M.Z.B” sh.p.k, ndaj të cilit është vendosur masa e sigurimit “sekuestro preventive” me vendimin gjyqësor nr. 263 datë 15/04/2015 të Gjykatës së Rrethit Gjyqësor Vlorë.
