Policia e Shtetit, në këto çaste, po zhvillon një aksion gjithëpërfshirës në Farkë për kapjen e autorit të pestë të grabitjes që ndodhi me 9 shkurt në Qafë Kashar.
Policia është mobilizuar, me maska, blinda dhe snajpera për të kapur të shpallurin në kërkim, ideniteti i të cilit nuk dihet ende.
Pesë ditë pas grabitjes së 3.2 milionë dollarëve në rrugën e Rinasit, Policia e Shtetit ka vënë në pranga 4 prej autorëve të dyshuar, pas një operacioni masiv, ku u përfshinë edhe forcat RENEA dhe Forcat e Ndërhyrjes së Shpejtë.
Po kështu mësohet se Policia ka gjetur edhe një pjesë të parave të grabitura. Dy prej të arrestuarëve janë sjellë nga forca të shumta policie në Drejtorinë e Policisë së Tiranës.
