Policia e Shtetit ka ndërmarrë një aksion anti-drogë në katër fshatra të Vlorës, ku mendohet se janë baza e grupit kriminal të “Habilajve”.
Operacioni ka nisur në fshatrat Velçë, Drashovicë, Vezhdanisht dhe Treblov.
Burimet paraprake të policisë, tregojnë se një peson me inicialet N.S, është arrestuar, ndërsa theksohet se është shpallur në kërkim një person me nofkën “Lolo”, që dilte te dosja e përgjimeve të “Habilajve”.
Policia e Vlorës gjatë mbrëmjes së djeshme zhvilloi një operacion të madh në fshatin Babicë, ku u sekuestruan 4.5 ton lëndë narkotike e llojit kanabis.
Policia bëri me dije se droga u kap në banesën e shtetasit Armand Kocerri, infermier, ndërkohë që lidhur me këtë rast janë shoqëruar edhe tre persona të tjerë.
Ndërkohë, hetimet po zhvillohen me intensitet të lartë, për zbulimin e të gjithë personave të përfshirë në grupin kriminal.
Hetimi është zhvilluar në bashkëpunim me autoritetet ndërkombëtare dhe me shërbimet inteligjente.
Operacionin e lajmëroi fillimisht në faqen e tij në Facebook, ish-kryeministri Sali Berisha, i cili publikoi edhe pamjet e sekuestrimit të drogës.
“Në Babicë kapen 10 ton drogë të klanit Rama-Tahiri! Sb qytetari digjital denoncon!
