Një solidaritet i tillë ishte i pritshëm. Pothuaj të gjithë tregtarët në unison kanë ulur qepenat duke kundërshtuar vendimin e qeverisë për të futur në skemën e TVSH-së, bizneset me xhiro vjetore 20 milion lekë. Përpara kamerave ata janë shprehur se i janë bashkuar protestës së tregtarëve dhe Shoqërisë, pasi taksat janë rritur ndjeshëm. “unë jam biznes i vogël kam bërë 23 mln lekë xhiro (të vjetra) dhe më thotë do futesh biznes i madh. Ne me zor mbulojmë shpenzimet. Edhe mallrat i shesim nën kosto. Unë muajin tjetër e mbyll biznesin se falimentoj. Sa më efektiv të jetë biznesi i vogël, aq më e qëndrueshme është ekonomia. Të shkatërrosh biznesin e vogël është tepër e dëmshme. Në vendet e rajonit nuk rrinë tatimet derë më derë duke kërkuar lekë.”
