Një ngjarje e rëndë ka ndodhur mbrëmjen e djeshme në qytetin e Fierit. Në fshatin Drizë të Fierit është plagosur me armë zjarri një 45 vjeçar. Sipas Policisë ai është qëlluar nga me armë pas një debati për motive të dobëta. 45 vjeçari është dërguar në spital dhe është jashtë rrezikut për jetën.
Ngjarja
Në datën 03.10.2017, rreth orës 22:30, në fshatin Drizë, Fier, pas një debati për motive të dobëta, shtetasi Harun Hoxha ka qëlluar me armë zjarri pistoletë shtetasin Sh.K, 45 vjeç, banues në Fier.
Shtetasi Sh.K ndodhet në Spitalin Rajonal Fier nën kujdesin e mjekëve jashtë rrezikut për jetën.
Ndërsa shtetasi Harun Hoxha pasi ka qëllur shtetasin Sh.K, është larguar nga vendngjarja.
Menjëherë është organizuar puna dhe falë veprimeve të shpejta hetimore, nga Specialistët për Hetimin e Krimeve në Komisariatin e Policisë Fier, u bë e mundur kapja dhe arrestimi në flagrancë i shtetasit:
-Harun (Fejzi) Hoxha, 53 vjeç, banues në fshatin Drizë, Fier.
Materialet i kaluan Prokurorisë pranë Gjykatës së Shkallës së Parë Fier për veprat penale “Vrasje e mbetur në tentativë” dhe “Prodhimi dhe mbajta pa leje e armëve dhe municionit luftarak” parashikuar nga Nenet 76, 22 dhe 278 të Kodit Penal.
