Një 41 vjeçar është vënë në pranga nga Policia e Dibrës, për shkak se mbrëmjen e djeshme në fshatin Bllatë të Maqellarës, ka plagosur me thikë shtetasin E. K, 30 vjeç.
Ngjarja ndodhi në ambientet e një lokali, ku shtetasi Resmi Dida u konfliktua dhe më pas qëlloi me thikë bashkëfshatarin e tij që tani ndodhet në spital jashtë rrezikut për jetën.
Resmi Dida është larguar menjëherë nga vendngjarja, duke përfituar edhe nga nga errësira, por është kapur rreth orës 19.00 të ditës së sotme, pranë fshatit Luzni të Dibrës.
Nga veprimet hetimore të kryera nga grupi hetimor dyshohet se ngjarja ka ndodhur për motive të dobëta.
