Një ngjarje e rëndë ka ndodhur në minutat e fundit në qytezën e Memaliaj, aty ku një person ka qëlluar me thikë babë e bir duke i lënë të plagosur rëndë.
Autori i ngjarjes është shtetasi Bledar Salaj, i cili ka qëlluar me thikë shtetasit A. M 50 vjeç dhe K. M, 20 vjeç.
Bledar Salaj 26 vjeç është banues në Mallakastër.
Policia është vënë në ndjekje të autorit i cili është kapur në zonën e quajtur “BuzëKalemaj” në malësitë e Tepelenës.
Ende nuk ka sqarime lidhur me rrethanat e ngjarjes, ndërsa dyshohet se gjithçka ka ndodhur për motive të dobëta.
