Një delegacion prej 6 pedagogësh është drejtuar mëngjesin e sotëm drejt zyrës së Ministres së Arsimit.
Qëllimi i këtij takimi është zgjidhja e kërkesave të tyre, në të kundërt paralajmërojnë grevë.
Javën që lamë pas, pedagogët kërkuan që të rrëzohej ligji për Arsimin e Lartë.
“Presim përgjigje dhe masa konkrete brenda datës 1 shkurt 2019 për pikat e mësipërme. Nëse kjo nuk ndodh, atëherë do t’i drejtohemi të gjithë trupër akademike të universiteteve publike në nivel kombëtar, për grevë të përgjithshme”, ishte shkresa që pedagogët i drejtuan qeverisë.
Në shkresën e tyre drejtuar organeve qeverisëse, pedagogët rikonfirmuan mbështetjen e tyre për studentët.
