PARIS-Referuar zyrës së prokurorit francez, media prestigjioze si, AP dhe AFP bëjnë të ditur se: Organizatori i dyshuar i sulmeve të Parisit vrarë nga policia. Abdelhamid Abaaoud është vrarë gjatë bastisjes në banesë dje në Saint-Denis.
Pas shtatë orë beteje të armatosur mes policisë dhe terroristëve komandot franceze të mërkurën kanë vrarë edhe organizatorin e sulmeve Abdelhamid Abaaoud që njihet ndryshe dhe si Abu Umar al-Baljiki.
Xhihadisti 27 vjeçari, belg me origjinë nga maroku, besohet të jetë organizatori i sulmeve terroriste natën e të premtes në Francë ku u vranë 129 persona dhe dhjetëra të tjerë u plagosën.
