Ka filluar me përplasje seanca e sotme plenare në Parlament. Menjëherë pas fjalës së kryetarit Basha, që ka kërkuar që Rama të vijë në seancë, deputetët e opozitës janë ngritur nga karriget dhe kanë rrethuar foltoren, gjatë momentit kur po fliste ministra e Financës, Anila Denaj.
Basha ka kërkuar në fjalën e tij që seanca të ndërpritej, derisa sa në sallë të vinte Rama, dhe të jepte llogari për përgjimet e publikuara nga “Zëri i Amerikës”
“Që në këtë sallë ka rënë hija e mortit kjo është e qartë. Gjysma prej jush nuk janë këtu prej votave të shqiptarëve, por jeni këtu prej një grushti kriminelësh me të cilët keni lidhur fatin tuaj për interesat tuaj. Kemi 5 vite që e kemi thënë këtë gjë, dhe tani çdo gjë është faktuar edhe nga “Zëri i Amerikës”
Kryeaktori i asgjësimit të zgjedjeve, ai që e ka kthyer këtë parlament në një kuplara të krimit, nuk është këtu. Gjëja e parë është që kjo seancë të ndërpritet dhe që të vijë njeriu që e ka kthyer këtë parlament në një bodrum të krimit, ku ka deputetë që nuk e kanë marrë asnjëherë fjalën, sepse nuk kanë asgjë për të thënë sepse marrëdhenia e tyrr është me Abdylajt, me Bajrat etj. Ndaj hipokrizia merr fund. Ose do kemi një qeveri kalimtare, ose këtë sallë duhet ta pastrojë populli shqiptar”, tha Basha
Tensione në Kuvend/ Opozita bllokon foltoren, nuk lejon ministren të flasë on Vidnews.
