Operacioni antidrogë që po zhvillohet njëkohësisht në disa qytete të vendit, nuk ka lënë pa prekur edhe një nga emrat më të njohur të botës së krimit në qytetin e Durrësit.
Sipas burimeve nga policia, kontrolle janë ushtruar edhe në banesën e Lulzim Berishës.
Berisha njihet si një nga të fortët e Durrësit.
Gjatë momentit të kontrollit në banesë, Lulzim Berisha nuk është gjendur aty.
Lulzim Berisha thuhet se ka kohë që nuk banon në Shqipëri.
Nuk ka ende të dhëna nëse janë gjetur materiale kompromentuese në banesën e Lulzim Berishës.
Policia thotë se këto aksione kanë në fokus goditjen e grupeve kriminale që qarkullojnë në vend.
Vetëm pak minuta më parë Policia bëri të ditur se ka arrestuar shtetasin Flamur Avdylin, që njihet si një nga bosët e zonës së Shijakut.
Ndërsa janë vënë në pranga edhe 10 persona të tjerë të dyshuar për trafik të lëndëve narkotike.
