Pjesa e mbetur e ndeshjes së ndërprerë midis Shqipërisë dhe Maqedonisë do të riluhet nesër po në stadiumin Loro Borici. Ende nuk dihet orari i saktë kur do të luhet pjesa e mbetur e ndeshjes, por nëse koha do të jetë e mirë, ndeshja mund të luhet edhe në mesditë sipas rregullores së FIFA-s që përcakton që në raste të shkaqeve të arsyeshme ndeshja duhet të luhet brenda 24 orëve nëse kushtet atmosferike përmirësohen.
Rregullorja
Menjëherë pas ndërprerjes së ndeshjes, zyrtarët e FIFA-s, UEFA-s si dhe përfaqësuesit e të dy skuadrave janë mbledhur në ambientet e stadiumit “Loro Boriçi” për të diskutuar rreth mënyrës së si do të zhvillohen minutat e mbetura të takimit.
Rregullorja parashikon që në raste të tilla, kur ka ndërprerje të ndeshjeve për shkak të kushteve atmosferike, minutat e mbetura mund të zhvillohen brenda 24 orëve të ardhshme, nëse kushtet janë të përshtatshme.
