Kreu i Partisë Republikane, Fatmir Mediu ka zhvilluar një takim të dytë me kreun e PD-së Lulzim Basha që ka zgjatur vetëm 30 minuta.
Nuk dihet ende nëse ka një vendim që PR-ja dhe Mediu t’i bashkohen PD-së në listat e kandidatëve.
Mirëpo, vetë kreu i republikanëve, tha para gazetarëve, sapo doli nga zyra e kreut të PD-së, Lulzim Basha, se ende nuk kemi mbyllur një marrëveshje me PD-në.
Takimi vjen pas dështimit të negociatave me kreun demokrat për të gjetur konsensusin mes palëve në arritje të zyrtarizmit të marrëveshjes politike për zgjedhjet e 25 qershorit.
Sot, Partia Republikane, vendosi që të regjistrohet e vetme në KQZ, ndërsa nuk ka një listë kandidatësh.
