E fundit/ Mbytet fëmija në plazhin e Velipojës

Një fëmijë është mbytur pak minuta më parë në Plazhin e Velipojës në veri të vendit. Lajmi konfirmohet nga policia lokale e cila informon se fëmija që ka humbur jetën është identifikuar me inicialet L.l, është i moshës 13 vjeç dhe banues në Mitrovicë të Kosovës. Fëmija mësohet se kishte ardhur për pushime në plazhin e Velipojës bashkë me familjen. Ambulanca ka mbërritur në vendngjarje, por fëmija është gjetur i pajetë. Rasti i sotëm shënon numrin 16 të personave të mbytur këtë verë në plazhet e Shqipërisë, ku pjesa më e madhe e tyre që kanë humbur jetën janë pushues nga Kosova. Po kështu ky është rasti i disatë këtë verë që pushues të ndryshëm humbasin jetën në det në Velipojë.