Afati i rregullt i qendrave të votimit në të gjitha pikat e Kosovës mbyllet në orën 19:00.
Votuesit të cilët janë në pritje të votimit pritet ta përfundojnë procesin dhe nuk do të ketë të tjerë që do të lejohen të votojnë pas orës 19:00. Komisioni Qendror Zgjedhor do të dal në një konferencë për media në orën 19:30 ku do të raportojë për numrin e përgjithshëm të votuesve.
Por sipas të dhënave paraprake numri i votuesve ka arritur mbi gjysmë milioni, nderësa numri i votuesve të regjistruar është gjithsej 1,872,941 votues.
Komisioni Qendror i Zgjedhjeve njoftoi se deri në orën 15:00 numri i votuesve ka arritur në 513.484 votues, shkruan Gazeta Express.
Numri i përgjithshëm i vendvotimeve është 2 mijë e 490, ndërsa numri dhe përqindja e përgjithshme e vendvotimeve e të cilat janë dërguar të dhënat, është 2 mijë e 453 / 98,51 për qind. Ndërsa, përqindja e votuesve që kanë votuar në vendvotimet që kanë dërguar të dhëna ka arritur në 27,69 për qind.
