Një aksident me pasojë vdekjen është regjistruar pasditen e kësaj të hëne në aksin Fier-Hoxharë.
Në ecje e sipër, një automjet ka dalë nga rruga, duke u marrë jetën 2 personave që udhëtonin në të.
Nga të dhënat e fundit rezulton se automjeti ka rënë në kolektorin e Roskovecit dhe dy personat kanë gjetur vdekjen nga mbytja.
Ndërkohë, një person tjetër ka mbetur i lënduar nga aksidenti dhe aktualisht ndodhet në gjendje të rëndë në spital.
Policia e Fierit ka bërë me dije se njëri prej viktimave është Emiljano Goxhaj 36 vjeç, i cili ishte dhe drejtuesi i makinës tip Benz me targa AA 464 OB.
Ndërsa viktima e dytë është 40-vjeçarja Silvana Alushaj.
Sipas policisë, automjeti ra në një kanal me ujë dhe për pasojë u mbytën drejtuesi dhe pasagjerja.
Ndërkohë, pasagjeri tjetër me iniciale H.H 35 vjeç ka mundur të shpëtojë dhe është dërguar në spital jashtë rrezikut për jetën.
