Safet Bajri, i konsideruar si një nga kokat e krimit të organizuar në Shkodër, ka fituar sot lirinë.
Por kjo vetëm për 6 orë, pasi Prokuroria e Krimeve të Rënda i ka dhënë leje për të varrosur babain e tij, që u nda nga jeta ditën e djeshme.
Lajmin e konfirmon Drejtoria e Përgjithshme e Burgjeve, e cila bën me dije se leja e veçantë për të paraburgosurin Safet Bajri, u dha vetëmpasi u mor miratimi nga Prokuroria e Shkodrës dhe ajo e Krimeve të Rënda.
Bajri akuzohet për vepra të rënda penale, si trafik ndërkombëttar të drogërave, dhe me shumë siguri në rast dënimi me burgim të përjetshëm, do ti nënshtrohet ligjit famëkeq 41 bis, që përkufizohet si izolimi më i rëndë në burg.
